Anjaani…Pehchaani

Main akela hi chala tha,

Sochta tha kab hoga savera,

Raat kaali kab ghategi,

Door kab hoga andhera…….

Har ghadi , har mod par main,

Humsafar ko dhoondta hoon

Aanchalon ke chod par main,

Pyaar ko tatolta hoon………

Hai nahi saathi na sangi,

Hai nahi humraaj koi,

Baj rahe hain sur aur saaz,

Par nahi aawaaz koi……

Main use pehchaanta hoon,

Naam uska jaanta hoon ,

Hai khayalon me basi wo,

Masoom si ek kali wo….

Khoobsoorat ek bag si wo

Ek dhadhakti aag si wo

Jaaane kyon anjaan hai wo

Ab meri pehchaan hai wo…….

                                                                                      

Main akela hi chala tha,

Sochta tha kab hoga savera,

Raat kaali kab ghategi,

Door kab hoga andhera…….